Ev peyman, berî ku dînê îslamê nehatibu, Ereban di nav xwe de li dijî zilmê
damezrandibun û Hz. Pêxember (s) jî tevlî vê peymanê bubu.
Wek hemu civakên cahilîyê civaka Ereban ên berê Îslamê jî di bin hakimîyeta zalim û zordestan de bu û li civakê bi her awayî zilm û neheqî çêdibu. Sala bîstê buyera fîlê, piştî şerê Fîcarê ku di nav qebîleyan de qewumî bu, li Mekkê tu ewlehîya can û mal û namûsa kesekî xerîb û bêhîmaye nema bu. Her tişt ji rê derketibu. Malê bazirganên xerîb dihate kirîn lê perê wan nedihate dayîn. Dest didan ser keç û jinên kesên ku dihatin heccê û kesî guh nedida feryad û fîxana kesî.
