Ev peyman, berî ku dînê îslamê nehatibu, Ereban di nav xwe de li dijî zilmê
damezrandibun û Hz. Pêxember (s) jî tevlî vê peymanê bubu.
Wek hemu civakên cahilîyê civaka Ereban ên berê Îslamê jî di bin hakimîyeta zalim û zordestan de bu û li civakê bi her awayî zilm û neheqî çêdibu. Sala bîstê buyera fîlê, piştî şerê Fîcarê ku di nav qebîleyan de qewumî bu, li Mekkê tu ewlehîya can û mal û namûsa kesekî xerîb û bêhîmaye nema bu. Her tişt ji rê derketibu. Malê bazirganên xerîb dihate kirîn lê perê wan nedihate dayîn. Dest didan ser keç û jinên kesên ku dihatin heccê û kesî guh nedida feryad û fîxana kesî.
Di rewşek awa de zilamekî ji qebîla Zebîd a Yêmenê ji bo firotanê barekî
devê mal anîbu Mekkeyê. Ji sermîyanên Mekkê As b. Waîl malê Zebîd kirîbu lê
perê wî nedabuyê. Rebenê Zebîd ji bo ku perê xwe bistîne xwe avêtibu bextê
serok û reîsên Mekkeyê lê tu encamek jê negirtibu. Ew kesên ku Zebît xwe
avêtibu bextê wan hem alîkarîya wî nekiribun û hem jî tinazê xwe pê kiribun û
ji cem xwe qewurandibun.
Zebît ji ber zilma ku dîtibu, rojekê serê sibê bi dilekî şewûtî derketibu
ser çîyayê Ebu Qubeys û ji ehlê Mekkeyê yên li dora Kabeyê civîyabun re
helbestekî ku bi “ya ehlê Fîhr” destpêdikir li wan qêrîya. Di ser vê yekê re
apê pêxemberê me Zubeyîr ji bo ku buyerek awa careka din neqewume dest bi
xebatê kir û bi pêşengên qebîleya Heşîm, Mutalib, Zuhre, Esed, Xaris û Teym re
li mala Eddullah b. Cud ku mirovekî dewlemend û bi rumet bu civîyan. Di pişti
hinek mizakereyên dirêj biryar dan ku wê nehêlin li Mekkeyê tu kesekî xerîb
zilmê bibînin û heya ku heqê mezluman tê girtin wê pişgirtîya wan bê kirin.
Li gor Yaqubî peyman bi vî awayî pêk hat: “Atîke yan jî Beydaya keça
Ebdulmutalîb lengerîyek bêhnê anî li nav wan danî. Ên li wir yek bi yek rabun
pîya û destê xwe xistin nav wê bêhnê û wuha sond xwarin û gotin: “Wellehî ji
îro pêve li Mekkê ha xerîb ha binkî kî dibe bila bibe emê kesekî ku zilm dîtîye
nehêlin û emê nehêlin zilm jî çêbibe, heya ku mezlum heqê xwe ji zaliman
distînin emê bi mezluman re tevbigerin. Heya ku ava behrê pirçekî mû şil neke û
nemîne û çîyayê Hîra û Sebîr ji cîyên xwe pak nebin û neçin û li Kabeyê îbadeta
îstîlamê ji holê ranebe emê li ser ehdê xwe sebat bikin.”
Ji bo ku ev peyman dişibîya peymana zemanê berê ku ji qebîla Curhum û
Ketura du kesên ku bi navê Fadil û Hîdayl çêkiribun loma bi navê wan hate
îzafekirin û bi mana peymana du fadilan bi navê “xilful fudûl” hate navkirin.
Peyva fudul tê mana tiştekî zêde. Ên ev peyman çêkirine ji bo ku ji zaliman
malê ku girtibun zêdetir wê ji wan mal bistenda û îadeyî xwedîyê wan bikirana
loma bi vî navî hatîye navkirin.
Ên beşdarî vê peymanê bubun, cara pêşîn ajotubun ber derê As b. Waîl
û heqê Zebîd ji wî sitendibun. Paşê di hemu buyerên bi vî awayî de ji bo ku
zilmê ji holê rabikin gelek xebat û şuxlên baş kiribun. Ji vanan du buyerên
balkêş wuha ne.
Ji qebîla Hes’am tucarek û keça xwe ji bo heccê tên Mekkeyê. Ji mezinên
Mekkeyê Nubeyh b. Heccac keçikê pirr diecibîne û bizorê ji bavê wê distîne. Di
mala xwe de dest dide ser keçikê. Zilam dike nake nikare keça xwe ji Nubeyh
bistîne . hinek salixan lê dikin ku here seri li Xilf’l fudûl bixîne. ew hema
diçe cem Xilf’l fudûl û mesela xwe ji wan re dibêje. Xilf’l fudûl hema dor li
mala Nubeyh digrin. Nubeyh bi bêçaretî mecbur dimîne û keçikê îadeyî bavê wê
dike.
Ji qebîla Sumele tucarek qismekî malê xwe difroşe ji sermîyanên Mekkeyê
Ubey b. Xelef. Lê Ubey perê berdêla malê ku sitendibu nade tucar. Dîsa ji tucar
re dibêjin here serî li Xilf’l fudûl bixîne. zilam serî li wan dide. Ji zilam
re dibêjin: “Tu here ji Ubeyd re bibêje ez ji cem Fudûlîyan têm. Eger heqê te
nede te tu li benda me bisekine.” Dema ev xeber digîhîje gohê Ubeyd hema heqê
tucar dide wî û xwe ji hêrsa wan xelas dike.
Resulê Ekrem (s.a.s.) jî wê gavê bîst salîbu û beşdarî peymana fadilan
bubu. Li gor rîwayeta Ahmet b. Henbel Hz. Pêxember di derheqê vê peymanê de
wuha gotîye: “Ez jî di sonda ku li mala Ebdullah b. Cud de çêbu de amade bum.
Li gor min ew sond ji kerîyê devan ên kulk (pirç) sorin çêtir e. wê demê zaryên
Heşîm, Zuhre û Teym sond xwaribun ku heya ava behrê dikare mûyekî şil bike jî
wê bi Mezluman re tevbigerin. Eger di dewra Îslamê de jî gazî min bikin ezê
dîsa beşdarî vê peymanê bibim. (Ahmed b. Henbel I, 190,193)
Ên beşdarî vê peymanê bubun ji bo ku paşê kes negirtibun nava xwe di piştî
mirina wan de Xilf’l fudûl belav bubu. Lê fîîlen qedyabe jî behskirina Xilf’l
fudûl tirs xistibu dilê zaliman. Di dewra Muavîye de walîyê Medînê Welîd b.
Utbe di meselekê de zilmê li Hz. Huseyîn (R.a) dike. Hz. Huseyîn Welîd tehdît
dike û dibêje::
“Wellehî yan tuyê rîayetê edaletê bikî û heqê min bidî min yan ezê şûrê xwe
ji kalan derxînim û li ber derîyê mizgefta Resulullah bisekinim û xelkê dawetî
Xilf’l fudûl bikim.” Gava Ebdullah b. Zubeyîr vêya dibîhîse dibêje: “Wellehî
eger Huseyîn daweteka awa bike, ezê jî şûrê xwe bikşînim û heya ku bi edaletî
heqê wî tê dayîn bi wî re serî hildim, yan jî emê tev bi hev re bimrin. Dema
hinekî din jî hevaltîya wan dike, welîd bi bêçaretî heqê Hz. Huseyîn teslîmê wî
bike.
FİKRÎ AMEDÎ
Hiç yorum yok:
Yorum Gönder