HEVALÊN HÊJA

Bi Nezanan Re Hevaltîyê Nekin: Bi îlim û îrfanê nizanin. Peyvên wan tûj in. Wê we bişkînin. Ji wan dûr bisekinin. Naxwe hûnê xemgîn bibin.

Bi Bêrêzan Re Hevaltîyê Nekin: Bi usûl, adab û sînoran nizanin. Wê we bişkînin û hûnê xemgîn bibin.

Bi Çavbirçîyan Re Hevaltîyê Nekin: Bi îkramê, qaîde û adabê nizanin. Têr nabin, wê we bişkînin û hûnê xemgîn bibin.

Bêadaban Re Hevaltîyê Nekin: Bi rê û rêbazan nizanin, bê usûl in. Wê we bişkînin û hûnê xemgîn bibin.

Bi Qureyan Re Hevaltîyê Nekin: Bi hal û ehwalan û dil û xatiran nizanin, dil dişkînin hûnê xemgîn bibin.

Bi Zimandirêjan Re Hevaltîyê Nekin: Pir diaxivin, vala diaxivin û hevalên xwe dişkînin. Hûnê xemgîn bibin.

Bi Namerdan Re Hevaltîyê Nekin: Bi merdîyê, bi hevaltîyê , bi dostanîyê nizanin. Hevalê xwe zû difroşin. Ji wan  dûr bisekinin yan na hûnê xemgîn bibin.